上一篇網誌就講咗一啲常見嘅長者眼睛毛病 ，今日就講吓一個因為長者眼矇可以導致嘅嚴重後果 – 跌倒。其實衞生署都有一啲長者防跌嘅資訊：www.elderly.gov.hk/tc_chi/healthy_ageing/home_safety/falls.html ，內文第一個提及跌倒嘅原因或風險因素就係視力欠佳，可惜內文隨後一句都無呼籲過長者要定期驗眼，預防跌到。
常見嘅眼睛毛病如白內障、青光眼和黃斑點病變均會影響長者嘅視覺功能，如中央和周邊視力、對比敏感度和立體感。有研究指出，視力受損嘅長者比起視力正常嘅長者，跌倒嘅風險增加兩陪！
老一輩長者通常都諱疾忌醫，一般都唔會主動同屋企人講自己嘅身體或眼睛視力狀況。如果佢地最近一年都冇驗過眼，不妨主動帶佢地做個全面眼科視光檢查，確保視力和眼健康正常，到因為跌到先知道原來視力欠佳，可能已經太遲了。?
陳家豪, Paco
註冊視光師 (第I部份)