小朋友戴Con 近視加深 MiSight OK鏡

戴 Day Con 都可以控制小朋友近視加深?

每當同家長談及有唔同嘅方法去控制小朋友近視加深嘅速度時,提起戴Con係其中一種方案,好多時候,家長即時嘅反應都係問:係唔係瞓覺戴個款OK鏡呀? 係嘅,OK鏡的而且確係有效可以減慢小朋友近視加深嘅速度,不過其實係呢7-8年間,有好多科研都證實咗戴一種有“光學離焦設計”嘅Day Con,都有效控制小朋友近視加深。

筆者驗配兩種隱形眼鏡都有經驗,綜合咗一啲戴Day Con比起戴OK鏡嘅好處,等家長做決定時可以有多一啲參考:

1) 較安全
好多時候家長都會有誤解,以為小朋友日間戴Con比起夜晚瞓覺戴OK鏡更危險。家長會認為小朋友係學校會用唔乾淨嘅手捽眼,戴Day Con好唔安全,OK鏡係屋企戴,有問題可以係屋企處理到。但事實並唔係咁,因為OK鏡係喺一個閉眼嘅環境到戴,淚水係唔能夠透過眨眼得以流動和更新,相比之下,Day Con係一個開眼嘅狀態到戴,淚水可以不斷透過眨眼更新,引致角膜發炎風險係較低,有時間嘅家長可以細閱我上一篇講小朋友戴Day Con嘅安全性嘅網誌 (重溫: https://www.taikwongeyecare.com/2022/07/8歲小朋友都可以戴con-安全嗎 )。

2) 較短驗配和覆診時間
如果小朋友係比較忙,唔可以經常抽到時間做驗眼覆診,戴Day Con係一個較好嘅方案。上一點提及到由於戴OK嘅風險較高,所以剛開始配戴時,需要作較頻密嘅覆診,確保眼角膜健康,第一個月約4-5次左右,之後每四個月都要覆診一次,至於Day Con第一個月約2-3次左右,之後每四至六個月覆診就可以了。

3) 較舒適
因為OK鏡係一款高透氧硬性隱形眼鏡來的,做檢查或起初配戴嘅時候,小朋友一定會覺得有異物感和不適,不適嘅感覺會隨著配戴嘅時間越長而變得輕微。相反,可以控制近視加深嘅Day Con嘅物料係跟成人戴嘅Day Con係一樣,配戴後幾乎沒有感覺的,所需適應嘅時間極短。

希望以上資訊可以幫助家長了解更多小朋友戴Day Con用嚟控制近視加深嘅資訊,有興趣了解更多邊款Day Con可以安全咁控制小朋友近視加深,歡迎隨時PM我哋啦!

陳家豪, Paco
註冊視光師 (第I部份)

Scroll to top