呢條問題時不時都有家長問，等我喺呢到一次過解答。不過回答呢條問題之前，首先要了解吓放瞳藥水的兩個主要功能:
1) 放鬆眼內睫狀肌，確保眼睛度數喺一個最放鬆嘅狀態進行檢查。
2) 使瞳孔放大，檢查清楚眼前房和網膜嘅健康。
因為兒童嘅睫狀肌比成年人活躍得多，好多時候兒童放瞳嘅原因都係因為上述嘅第1) 點。當視光師 (第I部份) 發現小朋友有近視、深遠視 、內斜視（俗稱鬥雞眼）和視力異常等情況，就必需放瞳，確保眼睛度數驗得準確。
小朋友眼睛大多都係健康的，因為第2) 點而要放瞳嘅機會較少，當然都有例外。視光師 (第I部份) 會用一枝特製嘅眼底燈，觀察及比較兒童雙眼視網膜反射出嚟嘅紅光，如果發現有異常，就必需放大朣孔檢查。因為紅反射異常可能係一啲罕見但嚴重嘅眼疾病引起的，如先天性白內障和視網膜母細胞腫瘤等。
滴藥水放瞳有副作用嗎？
放瞳後，小朋友睇近嘅視力會變得模糊和變得怕光。藥效持續多久要視乎視光師 (第I部份) 用咗邊隻放瞳藥水，藥效大致有三種：4-6小時、1-2天和7-10天，個案較為嚴重的，是需要用上藥效較長嘅放瞳藥水，在確保睫狀肌係完全被放鬆下來後，再作檢查。此外，放瞳藥水會為眼睛帶來冰涼或輕微刺痛嘅感覺，而小朋友一般都害怕滴眼藥水，過程難免會有點掙扎，不過有經驗嘅視光師 (第I部份) 會懂得如何處理，家長請放心 
。最後，喺極為罕見情況下，兒童或會對放瞳藥水出現過敏反應。
總括而言，我認為如果兒童視力、度數、雙眼視覺和眼健康一切發展正常，係不急於第一次做兒童驗眼就滴眼藥水放瞳。不過當遇到以上所講嘅情況，喺小朋友幾唔願意嘅情況下，都必需要做。希望以上資訊可以解答部分家長經常問咩係滴藥水放瞳檢查呢個問題！有需要或想幫自己子女驗眼既家長歡迎隨時查詢，本視光中心接受兩歲或以上嘅兒童預約的。
陳家豪, Paco
註冊視光師 (第I部份)