兒童驗眼 – 讀K1前小朋友驗咗眼未?

上兩個星期日有啲時間,帶咗我2歲半個囡Josie 係視光中心做咗自出世以來第8次有記錄嘅驗眼。幸好暫時雙眼都冇咩問題,冇斜視、弱視和色弱,有啲遠視和輕微嘅散光,眼底中央健康一切正常。佢泥緊8月要讀K1,所以我同媽媽都希望佢視力一切正常,畢竟有8成嘅學校學習過程都要透過眼睛嚟接收,擁有良好嘅視力對於學習真係非常重要。

之前我都有貼文講過,四歲先去健康院,真係有的遲:http://www.taikwongeyecare.com/2020/01/四歲先到健康院驗眼會唔會遲咗啲/。其實搵一啲專門幫小朋友驗眼嘅視光師,對於兩歲嘅小朋友,其實已經可以驗到好多野,如果家長都係覺得兩歲太細,我覺得三歲左右一定要做一次眼睛檢查,確保視力冇問題。小朋友跟大人嘅驗眼步驟好唔同,小朋友其實唔使識字,只需要識做matching已經可以檢查到視力,至於其他兒童驗眼資訊可以參考吓:http://www.taikwongeyecare.com/兒童眼科視光檢查/

筆者會繼續努力推動兒童驗眼,希望所有有小朋友嘅家長都會意識到兒童驗眼嘅重要性,可以早啲幫兒童做第一次驗眼,如發現有問題就可以盡早解決。

陳家豪, Paco
註冊視光師 (第I部份)

Scroll to top