fbpx

兒童護眼 – 護眼燈真係可以護眼嗎?

由於坊間都有好多唔同牌子嘅護眼燈,喺我執業呢九年間,周不時都會收到家長嘅提問:有冇邊一隻護眼燈可以保護眼睛?由於冇咩大型研究證實邊一款類型嘅燈光可以特別保護眼睛和預防近視或其他度數問題嘅出現,所以從前我一直都係同啲家長講:光線充足,唔好喺昏暗嘅環境閱讀和做功課就可以了。不過近排認識咗Future Lighting 未來照明嘅CEO Derek,佢俾咗好多護眼燈嘅資訊我認識,都覺得有一定程度嘅參考價值,以下係我歸納出一支好嘅 “護眼”書枱燈應該具備嘅條件:

1) 可彈性調較燈光的照射角度

因應小朋友嘅需要,調節照射角度,便能確保燈光可以均勻照亮整張書枱。如使用右手書寫,枱燈應該擺在左前方,反之亦然,否則手部所產生嘅陰影會影響書寫和閱讀。

2)有防眩濾光片

不少護眼枱燈都設有濾光片,它可以令光線分佈得更平均和更柔,亦可減低由紙面(尤其係光面紙)反射造成的眩光,減輕眼晴負擔和疲累感。

3)可彈性調節光暗

4)可彈性調節色溫

色溫大致可分為暖黃光(較低嘅色溫)和冷白光(較高嘅色溫)。冷白光含藍光嘅比例比起暖黃光為高,最適合用作日間閱讀,但晚間閱讀嘅時候,最好就用含藍光比例較少嘅暖黃光,因為晚間接觸過量嘅藍光,會令人亢奮,較難入睡。(至於藍光點樣影響睡眠,可重溫以下網誌:http://www.taikwongeyecare.com/2020/09/兒童護眼防藍光眼鏡有用嗎/

5)長方形的照射範圍

傳統嘅書枱燈都係輸出圓形嘅光照區域,不過由於書枱多為長方形,圓形嘅光照區域會令到某些書枱位置得不到足夠嘅照明。所以挑選枱燈時,要選擇能夠輸出長方形廣角光的枱燈,以提供更寬闊的光照區域。

希望以上資訊可以幫助家長為子女選擇出一支好嘅護眼書枱燈燈。Future Lighting 未來照明嘅CEO Derek亦都應承咗小弟,可以為睇過呢個帖文而成功到Future Lighting 未來照明購買護眼燈嘅讀者,帶來折扣優惠,有興趣嘅家長讀者們,歡迎隨時PM,了解詳情。

最後,提提大家小朋友護眼嘅最好方法就係定期驗眼,有需要或想幫自己子女驗眼既家長歡迎隨時查詢,本視光中心接受兩歲或以上嘅兒童預約的。

陳家豪, Paco
註冊視光師 (第I部份)

Scroll to top