fbpx

兒童護眼 – 小朋友眼睛需要防UV紫外線嗎?

喺戶外活動嘅時候,好多家長都會知道紫外線會影響小朋友皮膚健康,識得幫佢地搽防曬太陽油。不過紫外線影響眼睛健康呢個知識,好似相對少啲家長了解,何以見得呢?因為本店有一啲專為2-4歲幼童而設嘅太陽眼鏡,有時會聽到家長問:咁細個小朋友帶太陽眼鏡,會唔會帶壞佢哋隻眼㗎?會唔會影響佢地色覺發展?其實絕對唔會,太陽眼鏡係用嚟保護小朋友嘅眼晴,以下我會講解一下點解防紫外線更應該由細做起:

1) 小朋友眼睛結構較容易吸收紫外線。由於小朋友眼睛瞳孔較大和眼內折射結構 (如晶狀體和角膜) 較為透明,相比起成年人,眼睛更容易吸收紫外線。

2) 小朋友較多戶外活動,接收紫外線嘅機會遠比成年人高。世衞曾指出人一生80%紫外線係由18 歲之前接收的。

3) 紫外線對於身體或眼睛嘅影響係累積性的。即係紫外線對眼睛壞嘅影只會累積咁加上去,如果細個嘅時候接觸過量嘅紫外線而沒有作出適當保謢,長大後出現白內障、結膜黃班和翼狀胬肉等風險都會增加。

至於戴太陽眼鏡會唔會影響色覺發展呢?係不會。BB色覺大概係5 個月左右已經發展成熟,色弱係先天基因嘅問題,係唔會受到外間嘅因素影響的。不過某啲太陽眼鏡片顏色的確會令到望出嚟嘅事物帶嚟少少色差。咁要點揀?底色係灰色嘅鏡片就最為中性,色差最少,建議購買時可以選擇。

希望以上資訊可以釋除家長嘅疑慮,幫兒女選購一個合適嘅太陽眼鏡,過一個開心快樂嘅暑假,亦為去廸士尼做足準備!

陳家豪, Paco
註冊視光師 (第I部份)

Scroll to top