上篇貼文提及到點樣可以一take配到合適嘅漸 (重溫: https://www.taikwongeyecare.com/2020/01/老花漸進鏡真係咁難戴/) 今次就講下如何正確地使用一副合適度數嘅漸進鏡。以下嘅內容都係平日我會同用緊或初帶漸進鏡嘅人客講嘅說話，希望幫到大家。
1）閱讀時，頭盡量唔好耷得太低，眼向下望，用漸進鏡片底部嘅老花度數來閱讀。
2）落樓梯時就相反，要耷低頭，用鏡片頂部來觀看樓梯。若用鏡片底部來看樓梯，梯級就會變得模糊，好容易會跌到。
3）觀看兩旁事物時，就要移動頭部，用鼻尖指看你想觀看的時物，如果射厘眼望向兩旁，觀看的事物就變得模糊。
如果做足晒以上步驟，個漸進鏡都係帶得好唔舒服或唔清楚，甘就要搵番幫你驗配漸進鏡既視光師，睇下邊度出現咗問題啦！
陳家豪, Paco
註冊視光師 (第I部份)